_*_ قصيده ( بغداد تناشدني ) _*_

سمعت بغداد تناشدني
ماخذها الخجل تسألني عن ناس

ألا من ثائرٍ يأخذ بثأري
ويداوي الجروح ويرفع الراس






ألا في أذنكم صرخة سُـكينة
وياهو المنكم يصيرلها عباس

أنا ام الكنائسِ والمآذن
مو قاعي ضريح شلون تنداس

أرادوني جلدٍ غير جلدي
شلون النجف قلي تصير تكساس

أيا جسرِ الائمة من غرقنا
الك عثمان هو الجان غطاس

هنا طفل وشيخ هنا أمٌ
هنانة خدود كانت قبل تنباس

فقد كان الرصيفُ كالمرايا
وهسة الجثث قام يلمها كناس

نثق بـِمن وقد خان الصديق
على الحراس كون نخلي حراس

أيا صدق المنايا خبرينا
اذا ماتت الروح يموت الاحساس

فقد بالأمس ماتت ذكرياتي
وحيتهن شجرة ضحكت بابو نؤاس





للشاعر : خضير هادي
هذه أغنية لحسام الرسام نصية ولكن بالسمع ستكون اروع


يهمني رايكم